धनादेशाचे बनावटीकरण करून तसेच कंपनीचा ई-मेल आयडी हॅक करत दुसऱ्या कंपनीच्या खात्यात लाखो रुपये वळते करण्याचा प्रयत्न केल्याचा प्रकार ठाण्यात समोर आला आहे. या प्रकरणी राबोडी पोलिस ठाण्यात अज्ञात व्यक्तीविरोधात गुन्हा दाखल करण्यात आला आहे.
वैभव शेळके (३१) यांनी तक्रार दिली आहे. २८ जून ते २९ जून रोजी आरोपीने नोव्हाटेक प्रोटेक्ट इंडिया प्रा. लिमिटेड कंपनीचा धनादेशाचे आरोपीने बनावटीकरण केले. तसेच याच कंपनीचा इमेल आयडी हॅक करून ४ लाख २८ हजार ५०० रुपये साई इंटरप्रायजेस कंपनीच्या खात्यात वळती करण्याचा प्रयत्न केल्याने आरोपीविरुद्ध बुधवारी गुन्हा दाखल करण्यात आला आहे. पोलिस निरीक्षक रासम तपास करत आहेत.