शहरात डेंगी रुग्णांची संख्या दिवसेंदिवस वाढत चालली आहे. काही भागात असे रुग्ण वाढत असल्याने भीती व्यक्त केली जात आहे. अनेक रुग्ण खासगी रुग्णालयात उपचार घेत आहेत. त्यामुळे नेमका आकडा उपलब्ध होऊ शकत नाही.
नगरपालिकेच्या आरोग्य विभागाकडून डेंगीबाबत कोणत्याही प्रकारची उपाययोजना होत असल्याचे दिसत नाही. शहरातील विकासनगर, रेणुकानगर, कलानगर ,शेळके मळा, मुक्त सैनिक सोसायटी, व्यंकटराव हायस्कूल परिसर, संग्राम चौक या ठिकाणी डेंगीचे रुग्ण आढळून आले आहेत. सांगली कोल्हापूर शहरातील खासगी रुग्णालयात या रूग्णांवर उपचार केले जात आहेत.