नराधमाकडून पुन्हा बलात्काराचा प्रयत्न

२२मधील एका घरामध्ये गेला होता. यावेळी नराधमाने स्वत:चे नाव संतोष असल्याचे तसेच घरात असलेल्या महिलेला तिच्या पतीसोबत काम करत असल्याचे सांगितले. तसेच, याच भागात नव्याने रहाण्यास आल्याचे सांगत घर बघण्यासाठी महिलेच्या मुलाला सोबत येण्यास सांगितले. मात्र मुलाने नकार दिल्यानंतर नराधमाने घरातील ११ वर्षीय मुलीला घर दाखविण्याच्या बहाण्याने सोबत नेले. यावेळी त्याने पीडित मुलीला तुर्भे गावातील डॉ. सामंत विद्यालयापुढील नवी मुंबई महापालिकेच्या माता रामतनू रुग्णालयाच्या इमारतीचे काम सुरू असलेल्या ठिकाणी नेऊन तिच्यावर बलात्काराचा प्रयत्न केला. मात्र पीडित मुलीने या नराधमाच्या हाताला चावा घेऊन पलायन केले. त्यानंतर त्या नराधमानेही पलायन केले. या प्रकरणी एपीएमसी पोलिसांनी अज्ञात तरुणाविरोधात विनयभंग, अपहरण तसेच पोक्सो कलमान्वये गुन्हा दाखल करून त्याचा शोध सुरू केला आहे.

या नराधमाकडून गेल्या दोन वर्षांमध्ये नवी मुंबईतील अल्पवयीन मुलींना फूस लावून त्यांच्यावर लैंगिक अत्याचार करण्याची ही दहावी घटना आहे. या एकाच व्यक्तीकडून अल्पवयीन मुलींवर लैंगिक अत्याचार होत असल्याचा पोलिसांचा संशय आहे. याच आरोपीने नवी मुंबईसह मुंबई, ठाणे, पालघर व ठाणे ग्रामीण पोलिस ठाण्याच्या हद्दीतही अनेक अल्पवयीन मुलींवर लैंगिक अत्याचार केल्याच्या घटना नोंद आहेत.

अधिवेशनातही पडसाद

या घटनेचे पडसाद नागपूर येथे सुरू असलेल्या पावसाळी अधिवेशनात उमटणार आहेत. विरोधी पक्षनेते राधाकृष्ण विखेपाटील यांनी या प्रकरणी सभागृहात लक्षवेधी मांडली असून या लक्षवेधीचे उत्तर नवी मुंबई पोलिस आयुक्तालयास त्वरित देण्यास सांगण्यात आले आहे. या लक्षवेधीत अल्पवयीन मुलींवर लैंगिक अत्याचाराच्या मोठ्या प्रमाणावर घटना घडल्या आहेत का? याप्रकरणी पोलिसांनी काय तपास केला? व फरार आरोपी पकडण्यासंदर्भात पोलिसांनी काय पावले उचलली, असे मुद्दे उपस्थित करण्यात आले आहेत.