मध्य प्रदेशातील जबलपूर येथे १२ जून रोजी राज्याच्या आरोग्य विभागाचे उपसंचालक डॉ. शफतुल्ला खान यांची हत्या झाली होती. या हत्येचा पोलिसांनी छडा लावला आहे. डॉ. खान यांच्या पत्नीनेच हत्येचा कट रचला होता. खान यांचे अनेक महिलांशी अनैतिक संबंध होते. त्यांना अद्दल घडवायची होती. त्यांचे गुप्तांग कापण्यासाठी गुंडांना पाठवले होते, अशी कबुली तिनं दिली आहे.
डॉ. खान यांचे अनेक महिलांसोबत शारीरिक संबंध होते, असा आरोप पत्नी आयशाने केला आहे. त्यांना अद्दल घडवण्यासाठी त्यांचे गुप्तांग कापायचे होते. त्यासाठी गुंडांना पाठवले होते. पण त्यांनी डॉ. खान यांची हत्या केली, अशी माहिती तिनं पोलिसांना दिली. पोलिसांच्या माहितीनुसार, डॉ. खान यांची हत्या घडवून आणण्यासाठी आयशानं तिची भाची नंदिनी विश्वकर्मा हिला गुंडांची मदत घेण्यास सांगितलं होतं. त्यासाठी नंदिनीला पाच लाख रुपये देणार होती. या प्रकरणी आयशा, नंदिनी यांच्यासह राजेंद्र या तिघांना अटक करण्यात आली आहे. तर इतर दोघांचा शोध घेण्यात येत आहे.