ईदच्या मुहुर्तावर प्रदर्शित झालेल्या ‘सुलतान’ या चित्रपटाने पहिल्याच दिवशी धमाकेदार कमाई केली. या चित्रपटाने बॉक्स ऑफीसवर ३६.५४ कोटींची कमाई केली.
‘सुलतान’ हा चित्रपट प्रदर्शित होण्याच्या एक दिवस आधी लिक झाल्याचे वृत्त होते. मात्र, प्रेक्षकांनी पहिल्याच दिवशी या चित्रपटाला तुफान प्रतिसाद दिला.
बॉलिवूडचा दंबग म्हणजे सलमान खानसह अभिनेत्री अनुष्का शर्माची ‘सुलतान’ चित्रपटात प्रमुख भूमिका आहे. व्यक्तिगत आणि व्यावसायिक आयुष्यातील विविध समस्यांवर मात करून कुस्तीमध्ये लक्षवेधक यश मिळवणा-या मल्लाची भूमिका सलमानने साकारली आहे.
येत्या काही दिवसात हा चित्रपट ४० कोटींचा टप्पा पार करेल अशी शक्यता वर्तवण्यात येत आहे.