हडपसर भागातील काळेपडळ येथील निर्मल टाऊनशीप सोसायटीतील 40 ते 45 दुचाकींचे सीट कव्हर्स आज (बुधवार) पहाटे अज्ञात इसमाने फाडल्याची घटना घडली आहे.
निर्मल टाऊनशीप या सोसायटीत अनेक फ्लॅट व बंगले आहेत. मात्र, सोसायटीला सुरक्षा रक्षक नाही. तसेच सोसायटीत सीसीटीव्हीही नाहीत. पण, एका कुटुंबाने स्वतःच्या सुरक्षेसाठी बसविलेल्या सीसीटीव्हीमध्ये सीट कव्हर्स फाडणाऱ्या व्यक्तीचे फुटेज रेकॉर्डिंग झाले आहे. पोलिस त्याआधारे तपास करत आहेत.
या प्रकरणी हडपसर पोलिस ठाण्यात गुन्हा दाखल झाला आहे. पुण्यात यापूर्वीही काही भागात दुचाकी जाळण्याचे प्रकार घडले आहेत.