अपघात प्रकरणातील वाहन सोडविण्यासाठी लाच स्वीकारणाऱ्या चांदवड तालुक्यातील वडनेरभैरव येथील सहाय्यक पोलिस उपनिरीक्षकास अँटी करप्शन विभागाने केलेल्या कारवाईत रंगेहाथ ताब्यात घेण्यात आले. आनंदा गोरखनाथ वाघ असे त्यांचे नाव आहे.
वडनेरभैरव परिसरात एका वाहन अपघाताच्या केसमधील वाहन सोडण्यासाठी वाघ यांनी वाहनमालकाकडे १० हजारांची लाच मागितली होती. यानुसार पहिल्या टप्प्यात वाहन मालकाने वाघ यांना अडीच हजारांची लाच देऊन वाहन ताब्यात घेतले. मात्र, या वाहनाची कागदपत्रे आणि लायसन उर्वरित रक्कम मिळाल्याशिवाय देण्यास वाघ यांनी नकार दिला होता.