प्रवाश्यांचे वारंवार होणारे अपघात आणि मोटरमन-गार्ड यांच्या भोवलेल्या चुका चर्चेत असताना बुधवारी ठाण्यात एक एक्सप्रेस थांबवायला लोकोपायलट विसरल्याची घटना घडली. गोरखपूरहून आलेली ११०१६ कुशीनगर एक्सप्रेस बुधवारी सकाळी ६.५५ च्या सुमारास ठाणे स्थानकात आली.
मात्र लोकोपायलट गाडी थांबवायला विसरल्याने गार्डला इमर्जन्सी ब्रेक लावत गाडी थांबवावी लागली. तोपर्यंत गाडीचा फक्त शेवटचा डब्बाच स्थानकात शिल्लक होता. त्यामुळे प्रवाश्यांना कुटुंबकबिल्यासह गाडीतून सामान घेऊन उडय़ा माराव्या लागल्या. यावेळी प्रवाश्यांनी संताप व्यक्त केला.