कचरा हा शब्द उच्चारला तरीही आपण नाक मुरडतो.. मात्र आपल्याला जो कचरा वाटतो त्यामधून एखाद्या गरीबाचं आयुष्य सुखी होत असेल तर… आश्चर्य वाटलं ना… मुंबईतला अत्यंत पॉश एरिया असलेल्या जुहूमधल्या कच-यानं गरीबांची आयुष्याची दशा आणि दिशा बदलली आहे..
लक्ष्मी…मुंबईत रस्त्यांवरून आणि घरांतून कचरा वेचण्याचं काम करते.. लक्ष्मी यापूर्वी घरोघरी पडेल ते काम करणारी लक्ष्मी कधी रस्त्यावर भीकही मागायची… मात्र आता कचरा वेचून लक्ष्मी दर महिन्याला १५ ते २० हजार रुपये कमावतेय… लक्ष्मीसारख्या जवळपास 250 लोकांना हा कचरा वरदान ठरतोय. ही किमया साधली आहे जुहूमधल्या डिसेंट्रलाईज्ड गार्बेज सेंटरनं…
१२ वर्षांपूर्वी म्हणजे २००२ मध्ये रागिणी जैन यांनी महापालिकेकडून ५०० स्केवर फूट जमीन भाड्यानं घेतली. अशा प्रकारे कच-यातून आयुष्य घडवण्याचा हा प्रकल्प सुरु झाला. कचरावेचक स्त्री-पुरुंषांना एकत्र करुन स्त्यांच्या स्वच्छतेविषयी आणि कच-याच्या योग्य विल्हेवाटीबाबत माहिती दिली जाते. २०-२५ कामगारांपासून सुरू केलेल्या या प्रकल्पात आता २५० जण काम करतायत.
या कच-यामुळे गरीब कचरावेचकांचं आयुष्य सुधारलंच सोबत जुहू भागातले रस्तेही आणखी चकाचक झाले. नक्कीच महापालिका प्रशासनाला यामधून शिकण्यासारखं आहे.