ऑपरेशन टायगरच्या चर्चांदरम्यान संजय राऊतांची खळबळजनक पोस्ट; विमानतळावरचा फोटोच टाकला, आतापर्यंतचा मोठा दावा

संजय राऊतांची पोस्ट

“नांदेड विमानतळावर एक चार्टड विमान उतरते. ऑपरेशन टायगरच्या नावाखाली दोन खासदारांना उचलून निघून जाते. यांची रिक्षात फिरण्याची औकात नव्हती. खासगी विमानाने फिरण्या एवढी किंमत ठाकरे नावामुळे वाढली, प्रत्येक गोष्टीचा हिशोब केला जाईल. डरपोक कोल्ह्यांच्या पळवा पळविला. टायगर का म्हणता?,” असा संताप संजय राऊतांनी व्यक्त केला आहे.

’50 हजारांचीही लायकी नाही; शिवसेनेच्या नावाचा आधार घेऊनच प्रसिद्धी मिळाली’

महुआ मोईत्रा यांच्या पोस्टवर व्यक्त होताना संजय राऊत यांनी या खासदारांची 50 हजारांचीही लायकी नसल्याचं म्हटलं आहे. त्यांनी दावा केला की, “उद्धव ठाकरे गटाच्या खासदारांना फक्त 15 कोटी रुपये नाही, तर 50 कोटी रुपये मिळत आहेत. प्रति खासदार 50 कोटी रुपये इतका ‘किमान आधारभूत भाव’ (MSP) निश्चित करण्यात आला आहे. म्हणजेच 50 ‘खोके’ ! ती 15 कोटींची रक्कम तर केवळ अ‍ॅडव्हान्स रक्कम आहे.”

लोकसभा अध्यक्षांना पत्र 

दरम्यान मिळालेल्या माहितीनुसार, लोकसभा अध्यक्षांना देण्यात येणाऱ्या पत्रावर पाच खासदारांच्या सह्या झाल्या होत्या एका खासदाराची सही राहिली होती. पण आज सकाळी त्यांची सही झाल्याची माहिती समोर येत आहे, आणि जो आकडा ऑपरेशन टायगरसाठी महत्त्वाचा आहे. तो पूर्ण झाल्याचं समजत आहे. रात्री उशीरा चार्टर फ्लाईटने जाऊन ते सही करुन परत महाराष्ट्रात परतल्य़ाची माहिती आहे. 19 जूनला अधिकृत प्रवेश होईल अशी शक्याता वर्तवण्यात येत आहे.