गृहपाठाची वही विसरल्याने 6वीतील विद्यार्थिनीला जबर मारहाण

पुण्याच्या जोग शाळेत सहावीतील विद्यार्थिनीला गृहपाठाची वही न आणल्यानं शिक्षकांनी जबर मारहाण केल्याचा प्रकार उघडकीस आला आहे. यामुळे मुलीच्या दोन्ही हातांना जखमा झाल्या असून या विरोधात शास्त्रीनगर पोलिस ठाण्यात गुन्हा नोंदवण्यात आला आहे.

या मारहाणीमुळे मुलीचा उजवा हात सुजला आहे. याबाबत मुलीच्या पालकांनी शाळा प्रशासनाकडे याबाबत तक्रार केली आहे. दरम्यान, संबंधित शिक्षकाला तात्काळ निलंबित केलं जाईल आणि खासगी शाळा सेवाशर्ती कायद्यानुसार शिस्तभंगाची कारवाई करण्यात येईल असं आश्वासन मुख्याध्यपाकांनी दिलं आहे.

गृहपाठाची वही घरी विसरुन आल्याचा कारणावरुन या मुलीसह इतर ८ ते १० जणांनाही शिक्षकाने मारहाण केली आहे. तसेच याप्रकरणी पोलीस ठाण्यात गु्न्हा नोंदविण्याला आला असला तरीही अद्याप शिक्षकाला अटक करण्यात आलेली नाही.