सातारा जिल्ह्यातील वडूज येथे मेघा विनायक पवार या विवाहित महिलेने राहत्या घरात गळफास घेऊन आयुष्य संपवल्याची धक्कादायक घटना समोर आली आहे. सासरकडून होत असलेल्या सततच्या त्रासाला कंटाळून तिने हे टोकाचे पाऊल उचलल्याचा आरोप तिच्या माहेरच्या नातेवाईकांनी केला आहे. या प्रकरणी पती विनायक पवार, दीर आणि सासरे यांच्या विरोधात पोलिस ठाण्यात तक्रार नोंदवण्यात आली असून कुटुंबीयांनी कठोर कारवाईची मागणी केली आहे.