मराठा आरक्षणाचे नेते मनोज जरांगे पाटील यांच्या बीड जिल्ह्यातील दौऱ्यात एक धक्कादायक प्रकार समोर आला आहे. पिंपळनेर सर्कल मधील विविध गावांच्या भेटीदरम्यान गर्दीचा फायदा घेत चोरट्यांनी त्यांच्या ताफ्यात शिरकाव केला आणि अनेक समर्थकांचे खिसे कापले. मात्र, पोलिसांनी तातडीने चक्र फिरवत एका एर्टिगा गाडी सह हातसाफ करणाऱ्या टोळीला पोलिसांनी ठोकल्या बेड्या, गाडीसह सहा सराईत चोरट्यांना ताब्यात घेतले आहे.
मनोज जरांगे पाटील हे बीड तालुक्यातील पिंपळनेर सर्कल मधील गावांच्या दौऱ्यावर होते. त्यांनी त्यांनी ब्रह्मपूर, भाटसांगवी, पिंपळनेर, सांडरवण, ताडसोन्ना, बेडूकवाडी अशा विविध गावांना भेटी दिल्या. या दौऱ्याचा मुख्य उद्देश परभणी जिल्ह्यातील केसापुरी येथील केशवराजाच्या पावनभूमीत सुरू असलेल्या अखंड हरिनाम सप्ताहास उपस्थिती लावणे हा होता. गावकऱ्यांच्या आग्रहाखातर ते या सप्ताहासाठी निघाले होते. जरांगे पाटलांच्या स्वागतासाठी प्रत्येक गावात समर्थकांची मोठी गर्दी होत होती. याच प्रचंड गर्दीचा गैरफायदा चोरट्यांनी घेतला. चोरटे केवळ पायीच नव्हे, तर चक्क आलिशान गाडीतून ताफ्यात घुसले होते.
या नागरिकांना बसला फटका
गर्दीत घुसून चोरट्यांनी अनेकांचे मोबाईल आणि रोख रक्कम लांबवली. यामध्ये प्रामुख्याने अनेक नागरिकांचे नुकसान झाले ताडसोन्ना येथील महादेव माने, अंगद माने, इफ्रोज सय्यद, अशोक धुळगुडे, विश्वंभर माने, महेंद्र माने. केसापूर येथील भीम नरवडे, विश्वास नरवडे, सुनील शिंदे, गोरख शिंदे परभणी येथील गोविंद शिंदे, गणेश शिंदे, वशिष्ठ शिंदे. कुक्कडगाव येथील बाबासाहेब शिंदे सर्वात मोठी चोरी पिंपळनेर येथील अमोल पाटील यांच्या बाबतीत घडली, चोरट्यांनी गर्दीत त्यांची दीड तोळ्याची सोन्याची चैन लंपास केली.
पोलिसांची तत्पर कारवाई
एकापाठोपाठ एक चोरीच्या घटना समोर आल्यानंतर परिसरात खळबळ उडाली. पिंपळनेर पोलीस ठाण्यात तक्रारी दाखल होताच पोलिसांनी वेगाने तपास सुरू केला. ताफ्यातील संशयास्पद हालचालींवर लक्ष ठेवून पोलिसांनी MH30 BW 5818 क्रमांकाची एर्टिगा गाडी अडवली. या गाडीतून फिरणाऱ्या सहा जणांना पोलिसांनी ताब्यात घेतले असून पुढील तपास पिंपळनेर पोलीस करत असून, या टोळीने इतरही कुठे अशा प्रकारे हातसाफ केला आहे का, याचा शोध घेतला जात आहे.