जालना शहरातील कदिम जालना पोलीस ठाण्याच्या हद्दीत काल शुक्रवारी अतिशय घृणास्पद घटना समोर आली. मामानेच भाचीवर अत्याचार केल्याचा प्रकार उघडकीस आला आहे. याप्रकरणी मामाला पोलिसांनी बेड्या ठोकत ताब्यात घेतलं आहे.
या घटनेविषयी सविस्तर माहिती अशी, की जालना शहरातील मजालना पोलीस ठाण्याच्या हद्दीमध्ये राहणाऱ्या 17 वर्षीय पीडित मुलीवर तिच्याच नात्यातील म्हणजे सख्ख्या मामाने 2 वर्ष अत्याचार केला. या 17 वर्षीय पीडित मुलीच्या आई वडिलांचे कौटुंबिक वादविवाद झाले आहेत. वादाविवादातून मुलीच्या आई-वडिलांचा घटस्फोट झाला आहे. तिचे आई आणि वडील दोघेही वेगळे झाले.
सर्वात दुर्दैवी बाब म्हणजे दोन्ही पालकांनी, मुलीच्या आई आणि वडिलांनी या मुलीचा विचार केला नाही. दोघांनीही आपापला वेगळा संसार थाटला. मात्र या चिमुकलीला त्यांनी वाऱ्यावर सोडलं. या चिमुकलीने शेवटी मामाच्या घरी आसरा घेतला. याचाच फायदा या मुलीच्या मामाने घेतला. दोन वर्ष या कंस मामाने अल्पवयीन भाचीवर, मुलीवर अतोनात अत्याचार केला.
तो मामा तिला कुठे बाहेरही जाऊ देत नव्हता, केवळ घरात तळ ठोकून दारूच्या नशेत आरोपी मामा या मुलीवर अत्याचार करत होता. इतका काळ मुलगी मामाकडून होणारा अत्याचार सहन करत होती. अखेर या मामाच्या तावडीतून या मुलीने स्वतःची सुटका करून घेत थेट हिंगोली गाठलं आणि सर्व प्रकार आजीला सांगितला.
आजीने कसलाही विचार न करता 9 जानेवारी रोजी कदिम जालना पोलीस ठाणे गाठलं आणि आरोपी मामा विरोधात पीडित मुलीच्या फिर्यादीवरुन गुन्हा दाखल केला. यात विशेष बाब म्हणजे या आरोपी मामाला त्याच्या पत्नीने ही या अत्याचारात साथ दिल्याचं या पीडित मुलीने फिर्यादीत म्हटलं आहे. या घटनेमुळे संपूर्ण जालना शहरात एकच खळबळ उडाली असून मामाने केलेल्या कृत्याचा सर्व स्तरातून संताप व्यक्त होत अशून मामावर कडक कारवाई करण्याचा मागणी जोर धरत आहे.