अनुनय सूद हे इन्स्टाग्रामवर १५ लाखांहून अधिक फॉलोअर्स असलेले एक लोकप्रिय व्यक्तिमत्व होते. ते लास वेगास कॉनकॉर्स २०२५ या कार शोमध्ये सहभागी होण्यासाठी शहरात आले होते.
त्या महिलेच्या म्हणण्यांनुसार अनुनय सूद यांनी तिच्यासोबत आणि आणखी एका महिलेसोबत ते पदार्थ सेवन केले. त्यानंतर ते झोपी गेले. सुमारे एक तासानंतर जेव्हा त्या दोघी महिला उठल्या, तेव्हा अनुनय सूद प्रतिसाद देत नव्हते.
पोलिसांनी घटनास्थळावरून एक लहान बॅग जप्त केली, ज्यात पांढरा रंगाचा एक अज्ञात पदार्थ होता. तसेच त्यांनी ड्रग्ज सेवन केल्याचे सूचित करणारे इतर पुरावेही जप्त केले.
अनुनय सूद यांच्या कुटुंबियांनी आणि मित्रांनी गेल्या आठवड्यात इन्स्टाग्रामवर त्यांच्या निधनाच्या वृत्ताला दुजोरा दिला होता. त्यांनी गोपनीयता राखण्याची विनंती करत कुटुंबियांच्या निवासस्थानाजवळ गर्दी न करण्याचे आवाहन केले होते. त्यांच्या मृत्यूपूर्वीच्या शेवटच्या पोस्ट्समध्ये ते लास वेगासमध्ये असल्याचे दिसून येते.
यापूर्वी लॉस एंजेलिस पोलिसांनी दिलेल्या निवेदनात म्हटले होते की, “४ नोव्हेंबर २०२५ रोजी, LVMPD ला साऊथ लास वेगास बुलेवर्डच्या ३१०० ब्लॉकमध्ये एका मृतदेह सापडल्याची माहिती मिळाली. अधिकाऱ्यांनी एक नॉन-क्रिमिनल/मेडिकल रिपोर्ट घेतला.”
क्लार्क काउंटी कोरोनर कार्यालयाने त्यांच्या मृत्यूचे कारण उघड केलेले नाही. ज्या पदार्थांमुळे मृत्यू झाला, त्याची पुष्टी करणाऱ्या विषविज्ञान चाचण्या पूर्ण होण्यास काही काळ लागू शकतो. सोमवारपर्यंत अधिकाऱ्यांनी या प्रकरणी कोणतीही अटक झाली नसल्याचे सांगितले.
अनुनय सूद कोण होते?
अनय सूद हे एक ट्रॅव्हल इन्फ्लुएन्सर, फोटोग्राफर आणि उद्योजक होते. त्यांचे इन्स्टाग्रामवर १५ लाखाहून अधिक फॉलोअर्स आणि यूट्यूबवर सुमारे ३.८ लाख सबस्क्रायबर मिळवले होते. ते सलग तीन वर्षे, २०२२, २०२३ आणि २०२४ मध्ये फोर्ब्स इंडियाच्या टॉप १०० डिजिटल स्टार्सच्या यादीत समाविष्ट झाले होते.
अनुनय सूद यांनी इन्स्टाग्रामवर त्यांचे ट्रॅव्हलॉग्ज करण्यास सुरुवात केली. त्यानंतर त्यांनी दुबईत स्वतःची डिजिटल परफॉर्मन्स आणि मार्केटिंग एजन्सी सुरू केली.
अनुनय सूद यांनी ४६ देशांचा प्रवास केला होता. जगातील सर्व १९५ देश आणि प्रदेशांना भेट देण्याच्या त्यांच्या महत्त्वाकांक्षेबद्दल ते अनेकदा बोलत असत.
