फेसबुक, इंस्टाग्राम सध्या खूप लोकप्रिय सोशल मीडिया बनले आहेत. पण याच ठिकाणी अनेक गुन्हेही घडत असतात. अनेक सायबर गुन्हेगारांचा सुळसुळाट आता ऑनलाईन जगतात निर्माण झाला आहे. अशाच स्वरुपाचा काहीसा प्रकार आता समोर आला आहे. सोशल मीडिया अॅप्स फेसबुक आणि इंस्टाग्रामच्या लोकप्रिय सामाजिक मंचांचा वापर करून महिलांच्या भावनांशी खेळत त्यांना फसवणूक करणारा एक प्रगल्भ गुन्हेगार अखेर पोलिसांच्या जाळ्यात पकडला गेला आहे. या आरोपीला भिगवण पोलिसांनी संगणकीय विश्लेषण आणि गुप्त माहितीच्या साहाय्याने अकलूज परिसरातून अटक केली आहे.
आरोपीचे संपूर्ण नाव गणेश शिवाजी कारंडे आहे पण तो गुन्हे करताना कधी, तो फेसबुकवर ‘संग्राम पाटील’ तर कधी ‘पृथ्वीराज पाटील’ या नावाने वावरत असे. बनावट नावांनी प्रोफाइल तयार करून स्वतःला पोलिस अधिकारी असल्याचे सांगत असे. या प्रकारातून त्याची योजना असायची की महिलांचा विश्वास संपादन करणे, व त्यानंतर या महिलांकडून सोन्याचे दागिने आणि रोख रक्कम लुबाडायची.
यामध्ये एका महिला जी व्यावसायिक आहे, ती या बनावट अधिकाऱ्यावर विश्वास ठेऊन फसली. व्यावसायामध्ये आपल्याला याची काही मदत होईल अशी अपेक्षा ठेऊन महिलेने गणेशवर विश्वास ठेवला होता, पण गणेशने तिच्याकडून दागिने आणि पैसे घेऊन महिलेबरोबर जबरदस्तीचे शारीरिक संबंध ठेवले असा गंभीर गुन्हा गणेशवर नोंदवण्यात आला आहे. त्यामुळे या बनावट पोलिसाच्या गुन्ह्याची गंभीरता लोकांना संताप आणून देणारी ठरते आहे