पुण्यामधून एक खळबळजनक घटना समोर आली आहे. लग्नाच्या बोलणीवेळी झालेल्या मैत्रीनंतर फिरायला गेलेल्या दोघा तरूण आणि तरूणीने शरीर संबंध ठेवले. पण त्यानंतर लग्नाची बोलणी फिस्कटली आणि तरूणीचा दुसऱ्या ठिकाणी विवाह ठरला. हे समजताच तरूणाने तिला शरीर संबंध प्रस्थापित केल्याचे व्हिडीओ ठरलेल्या मुलाल दाखवले. नेमकं प्रकरण काय? जाणून घ्या.
नेमकं काय घडलं?
लग्नाची बोलणी सुरू होती, त्यावेळी दोघांची मैत्री झालेली. दोघेही फिरायला गेले तिकडे दोघांच्या सहमतीने शरीर संबंध प्रस्थापित केले. बोलणी सुरू होती पण मध्येत त्यांची बोलणी फिस्कटली. त्यानंतर संबंधित तरूणीचा इतर ठिकाणी विवाह ठरला. हे समजताच आधीच्या तरूणाने माहिती काढली. ज्या मुलासोबत लग्न जुळले होते, त्याची भेट घेतली. त्यावेळी त्याने दोघांनी शरीर संबंध ठेवले होते, तेव्हा चोरून काढलेला व्हिडीओ दाखवला. होणाऱ्या बायकोचा असा व्हिडीओ पाहून विवाह ठरलेल्या मुलाच्या पायाखालची जमीन सरकली. या सर्व प्रकारानंतर तरूणाने ठरलेलं लग्न मोडलं.दुसऱ्या ठिकाणी ठरलेलं लग्न मोडल्यानंतर पीडित तरूणीने पोलीस स्टेशनमध्ये धाव घेतली. या प्रकरणी सिंहगड रोड पोलीस ठाण्यात पीडित तरुणीने दिलेल्या फिर्यादीवरून संबंधित आरोपी विरुद्ध विनयभंग, छेडछाड, खोटे आरोप लावून बदनामी करणे, आणि माहिती तंत्रज्ञान कायद्यान्वये गुन्हा दाखल करण्यात आला आहे.
पोलिसांनी दिलेल्या माहितीनुसार, आरोपी तरुणाने लग्नाची बोलणी करण्यासाठी फिर्यादी तरुणीला एका ठिकाणी बोलावलं. तेथे कोल्ड्रींक्स देऊन, नंतर दोघांमध्ये संमतीने शारीरिक संबंध झाले. मात्र त्याच वेळी पीडितेच्या संमतीशिवाय आरोपीने व्हिडीओ चित्रण केलं. नंतर या व्हिडीओच्या आधारे ब्लॅकमेल करून, तो व्हायरल करण्याची धमकी दिली. याशिवाय, पीडितेचं दुसऱ्या ठिकाणी ठरलेलं लग्न मोडण्यासाठी त्या ठिकाणीही तिची बदनामी केली. पोलीस या प्रकरणाची चौकशी करत आहेत.