दोन दुचाकींनी एकमेकांना समोरासमोर धडक दिल्याने सावरा- दुर्वेस मार्गावर भीषण अपघात घडला आहे. या अपघातात दोन दुचाकीस्वार तरुणांचा मृत्यू झाला असून एक तरुण गंभीरित्या जखमी झाला आहे. सुरज शिनवार पालवा (वय 27) आणि अक्षय विलास आडगा (वय 22) अशी अपघातातील मृत तरुणांची नावे आहेत.
या अपघात प्रकरणी मनोर पोलीस ठाण्यात भारतीय न्यायसंहितेच्या कलम 106 (1), 281, 125 (अ) (ब) सह मोटार वाहन कायदा कलम 184 अन्वये गुन्हा दाखल करण्यात आला आहे.
दुसरीकडे, नागपूर शहराजवळील नवीन काटोल नाका परिसरात रविवारी (४ मे) भीषण अपघात घडला. ओव्हरटेक करताना नियंत्रण सुटलेल्या टेम्पोची समोरून येणाऱ्या ट्रकशी समोरासमोर धडक झाली. या दुहेरी अपघातात तीन जणांचा जागीच मृत्यू झाला आहे. तसेच, या अपघातात एक मोपेडचालक गंभीर जखमी झाला आहे. या घटनेने परिसरात एकच खळबळ उडाली आहे. हा अपघात इतका भीषण होता की टेम्पोचा पूर्ण चक्काचूर झाला आहे. अपघातानंतर घटनास्थळी मोठी गर्दी झाली होती. अपघातातील जखमींना तातडीने रुग्णालयात हलवण्यात आले. मात्र, उपचारादरम्यान रोशन टेकाम, रमेश देहनकर आणि मसराम या तिघांचा मृत्यू झाला. तर, मोपेडचालकावर खासगी रुग्णालयात उपचार सुरू असून त्यांची प्रकृती चिंताजनक असल्याचे सांगण्यात येत आहे.