अॅप्पलच्या डिवाइसेस वापरणाऱ्या कोट्यवधी युजर्सना व्हायरसचा धोका आहे. हा व्हायरस Apple AirPlay फीचरच्या माध्यमातून पसरू शकतो. हे फीचर सर्व अॅप्पल डिवाइसेस आणि थर्ड-पार्टी कंपॅटिबल स्पिकर आणि टीव्हीवर म्यूजिक, फोटोसह व्हिडीओ स्ट्रीमिंग करण्याचे काम करते. या फिचरचा वापर हॅकर्स करत आहेत. रिपोर्टनुसार हॅकर अॅप्पलच्या फीचरचा गैरफायदा घेऊन एकाच वाय-फाय नेटवर्कशी कनेक्टेड वायरलेस डिवाइसेसवर मालवेयर पसरवत आहेत.
प्रायव्हेट डेटा जाऊ शकतो हॅकर्सकडे
हा मालवेयर हॅकर्सना युजर्सच्या प्रायव्हेट डेटाचा अॅक्सेस देतो. तसेच हॅकर एकाच वाय-फाय नेटवर्कवर असलेल्या डिवाइसच्या युजर्सचा संवाद देखील ऐकू शकतात. यात एअरपोर्ट, कॉफी शॉप्स आणि ऑफिसच्या पब्लिक वाय-फायशी कनेक्टेड अॅप्पल डिवाइसेसचा समावेश आहे. अॅप्पल प्रोडकट्ससाठी सतत अपडेट रोलआउट झाल्यानंतर देखील कंपनीचे अनेक स्मार्ट-होम डिवाइस हॅकिंग पासून वाचू शकत नाहीत, ही चिंतेची बाब आहे. आणि म्हणूनच अनेक वर्ष एअर-प्ले वापरणाऱ्या मॉडेलच्या युजर्सना हॅकिंगचा धोका निर्माण झाला आहे.
कसा करावा बचाव
हॅकर्स आणि हॅकिंग पासून सुरक्षित राहण्यासाठी युजर्सना सर्व डिवाइसेस अपडेट करण्याचा सल्ला देण्यात आला आहे. वापर करत नसल्यास एअरप्ले फीचर डिसेबल करण्याचा देखील सल्ला दिला जात आहे. हे फिचर इनेबल केल्यावर एअर प्ले हॅकर्ससाठी एक अॅक्सेस पॉइंटचे काम करतो आणि ज्याच्या माध्यमातून ते सहज तुमचा डिवाइस कंट्रोल करू शकतात.
तेल अवीवच्या सायबर सिक्योरिटी फर्म Oligo चे चीफ टेक्नॉलॉजी ऑफिसर आणि कोफाउंडर गॅल एल्बाज यांनी म्हटलं आहे की, “एअरप्ले अनेक प्रकारच्या डिवाइसला सपोर्ट करत असल्यामुळे यातील अनेक सिक्योरिटी पॅचचा अनेक वर्ष लागतील किंवा हे कधीच पॅच केले जाणार नाहीत आणि हे सर्व एक सॉफ्टवेयर त्रुटीमुळे झालं आहे ज्यामुळे सर्व काही प्रभावित होते.”
रिपोर्टनुसार या 23 त्रुटी अॅप्पल एअर प्लेच्या प्रोटोकॉल मध्ये आणि सॉफ्टवेयर डिवेलपमेंट किट मध्ये सापडल्या आहेत. ज्यामुळे युजर्सना इतर डिवाइसेसवर फोटो, म्यूजिक आणि व्हिडीओ स्ट्रीम करता येतात. अॅप्पलनं आपल्या डिवाइसेससाठी सिक्योरिटी अपडेट रिलीज केला आहे, परंतु लाखो स्मार्ट टीव्ही, सेट-टॉप बॉक्स आणि कार सिस्टमवर हा सिक्योरिटी पॅच मिळालेला नाही.