महागाईने हैराण झालेल्या सर्वसामान्य नोकरदार लोकांसाठी महत्त्वाची अपडेट समोर आली आहे. घाऊक महागाई दरात सलग दुसऱ्या महिन्यात वाढ जाहली असून भारतात घाऊक किंमत निर्देशांक (WPI) आधारित महागाई दर मार्चमध्ये 2.05 टक्क्यांपर्यंत घसरला, जो फेब्रुवारीमध्ये 2.38 टक्के होता. मंगळवारी वाणिज्य आणि उद्योग मंत्रालयाने ही माहिती दिली. सरकारने दिलेल्या माहितीनुसार उत्पादन उत्पादनांच्या किमतीत झालेली वाढ मार्चमध्ये सकारात्मक घाऊक चलनवाढ दराचे कारणीभूत ठरले. फेब्रुवारी 2025 च्या तुलनेत मार्चमध्ये महागाई दर 0.19% कमी झाला, जो महागाईत घट दर्शवितो.
घाऊक महागाई दर घसरला
उद्योग मंत्रालयाने जारी केलेल्या निवेदनानुसार अन्न उत्पादने, इतर उत्पादन वस्तू, वीज आणि कापडांच्या किमतीत झालेली वाढ घाऊक चलनवाढीचा दर सकारात्मक असण्याचे मुख्य कारण आहे. WPI च्या ताज्या आकडेवारीनुसार, फेब्रुवारीमध्ये अन्न महागाई 3.38% होती, जी मार्चमध्ये 1.57% पर्यंत कमी झाली. भाज्यांच्या किमतीत 15.88% तीव्र घटअन्नधान्य महागाईत घट होण्याचे मुख्य कारण आहे.
घाऊक महागाई दरात वाढ झाल्याचा थेट परिणाम सामान्य लोकांवर होतो, कारण घाऊक वस्तूंच्या किमती वाढल्यास सामान्य माणसाला किरकोळ विक्रीतील वस्तूंसाठी जास्त किंमत देऊन भरपाई करावी लागते. तसेच घाऊक महागाई कमी झाली तर अशा परिस्थितीत बाजारातील वस्तूंच्या किमतीही कमी होतात. किरकोळ महागाईचे सुधारित आकडे दुपारी 4 वाजता जाहीर केले जातील. फेब्रुवारी 2025 मध्ये किरकोळ महागाई दर 3.61% पर्यंत खाली आला होता, जो गेल्या 7 महिन्यांतील नीचांकी होता. मात्र, मार्चमध्ये किरकोळ महागाई किंचित वाढू शकते आणि 3.8% ते 4% दरम्यान राहण्याची शक्यता आहे.
महागाई वाढीची भीती का?
मार्चमध्ये भाज्यांच्या किमतींमध्ये संमिश्र कल दिसून आला पण, सोन्यासारख्या इतर उत्पादनांच्या किमती वाढतच राहिल्या. अन्नपदार्थांच्या किमती फारशा वाढल्या नसल्या तरी इतर वस्तूंच्या किमती वाढण्याची अपेक्षा आहे. किरकोळ महागाई दर (CPI) डेटामध्ये अन्नपदार्थांचा वाटा सुमारे 50% आहे, त्यामुळे इतर वस्तूंच्या किमती वाढल्या तर CPI दर देखील वाढू शकतो.
रिझर्व्ह बँकेकडून महागडी नरमाईचा अंदाज
गेल्या आठवड्यात चलनविषयक धोरण जाहीर करताना आरबीआय गव्हर्नर संजय मल्होत्रा म्हणाले होते की अन्नधान्याच्या महागाईत मोठी घट झाल्यानंतर जानेवारी-फेब्रुवारी 2025 दरम्यान मुख्य महागाई दर कमी झाला आहे. रब्बी पिकांबाबत अनिश्चितता बरीच कमी झाली आणि दुसऱ्या आगाऊ अंदाजानुसार गेल्या वर्षीच्या तुलनेत गव्हाचे उत्पादन आणि प्रमुख डाळींचे उत्पादन जास्त दिसत आहे. पुढे म्हणाले की, खरीपाची चांगली आवक झाल्यामुळे अन्नधान्य महागाई दर कायमचा कमी होण्याची अपेक्षा आहे. आरबीआय गव्हर्नर पुढे म्हणाले की, कच्च्या तेलाच्या किमतीत झालेली घसरण ही महागाईच्या दृष्टिकोनासाठी एक चांगले लक्षण आहे.