पुण्यात ॲपवरून रिक्षा सेवा देणाऱ्या ‘उबर’ या कंपनीने रिक्षा बुकिंगनंतर प्रवाशांकडून मीटरप्रमाणेच पैसे घेण्यास सुरुवात केली आहे. प्रवाशांना भाड्याचे पैसे थेट रिक्षाचालकांना द्यावे लागणार आहेत; पण चालकांनी याची माहिती प्रवासी बसताना द्यावी लागणार आहे. दरम्यान, यावरून वादावादीचे प्रसंगही घडत आहेत.
उबर कंपनीने रिक्षाचालकांसोबत एक करार केला आहे. ‘सॉफ्टवेअर आधारित सेवा देणारी कंपनी असल्याने रिक्षाचालक व प्रवाशांनी भाडे ठरवावे,’ असे या करारात म्हटले आहे. त्यानुसार, ‘उबर’वरून रिक्षा चालविणाऱ्यांनी मीटरप्रमाणे भाडे घेण्यास सुरुवात केल्याने पुन्हा वादावादीचे प्रसंग उद्भवत आहेत.
ॲपवर मार्गाचे भाडे दाखविले जाते. प्रवासी रिक्षात बसल्यानंतर चालक मीटरप्रमाणे भाडे घेणार असल्याचे सांगतो. त्यावरून प्रवासी आणि रिक्षाचालकांत वादावादी होऊ लागली आहे. त्यावर मोबाइल ॲपवरून रिक्षा चालविणाऱ्यांनी मीटरप्रमाणेच भाडे घ्यावे. रिक्षाचालकांनी प्रवाशांकडून जास्त भाडे घेतल्यास कारवाई करण्याचा इशारा ‘आरटीओ’ने दिला आहे. रिक्षात बसतानाच मीटरप्रमाणे भाडे घेण्याबाबत सूचना द्यावी, उतरताना जादा भाडे घेतल्याची तक्रार आल्यास कारवाई केली जाणार असल्याचेही ‘आरटीओ’ने त्यांच्या आदेशात म्हटले आहे.
उबर कंपनीने मीटरप्रमाणे भाडे घेण्यास रिक्षाचालकांना सांगितले आहे. पण, अद्याप इतर कंपन्यांकडून ॲपवरून पूर्वीप्रमाणेच भाडे घेतले जात आहे. त्यामुळे ‘उबर’वर रिक्षा चालविणाऱ्यांकडून इतर कंपन्यांच्या रिक्षाचालकांना अडवून, भाडे घेऊ नये म्हणून वाद घातला जात आहे. त्यामध्ये प्रवाशांना त्रास होत आहे. याबाबतचा एक व्हिडिओ सोशल मीडियावर व्हायरल होत आहे.
उबर कंपनीने मीटरप्रमाणे भाडे घेण्यास रिक्षाचालकांना सांगितले आहे. पण, अद्याप इतर कंपन्यांकडून ॲपवरून पूर्वीप्रमाणेच भाडे घेतले जात आहे. त्यामुळे ‘उबर’वर रिक्षा चालविणाऱ्यांकडून इतर कंपन्यांच्या रिक्षाचालकांना अडवून, भाडे घेऊ नये म्हणून वाद घातला जात आहे. त्यामध्ये प्रवाशांना त्रास होत आहे. याबाबतचा एक व्हिडिओ सोशल मीडियावर व्हायरल होत आहे.