संतोष देशमुख यांच्या हत्येनंतर बीड हादरल्याचे बघायला मिळाले. सातत्याने गंभीर आरोप केली गेली. हेच नाही तर धनंजय मुंडे यांना आपल्या मंत्रिपदाचा राजीनामा देण्याचीही वेळ आहे. संतोष देशमुखांचे प्रकरण चर्चेत असतानाच बीडमध्ये दुसरी एक धक्कादायक घटना उघडकीस आलीये. ट्रकमालकासह नऊ जणांनी चालक विकास बनसोडे याला इतकी जास्त मारहाण केली की, त्याचा मृत्यू झाला. विकासला दोन दिवस डांबून ठेऊन ही मारहाण करण्यात आली. विकासला इतकी जास्त क्रूरपणे मारहाण करण्यात आली की, त्याचे संपूर्ण अंगच काळे निळे पडले होते.
अंजली दमानिया यांनी विकास बनसोडे याच्यावरील मारहाणीचा मुद्दा उचलून धरताच बीड पोलिसांकडून तब्बल दहा जणांवर गुन्हा दाखल करण्यात आलाय. यापैकी एकाला अटक करण्यात आली असून इतर नऊ जण फरार असल्याची माहिती मिळतंय. भाऊसाहेब क्षीरसागर याला याप्रकरणात अटक करण्यात आलीये. बीड पोलिसांकडून इतरांचा शोध घेण्याचे काम सुरू आहे. या घटनेनंतर लोकांमध्ये मोठा संताप हा बघायला मिळतोय.
विकास बनसोडे या तरूणाला वायर आणि दोरीने बेदम मारहाण करण्यात आली. आष्टी पोलिसांकडून इतर आरोपीचा शोध घेतला जातोय. अशी देखील एक चर्चा रंगताना दिसतंय की, विकास बनसोडे हा गेल्या काही वर्षांपासून क्षीरसागर यांच्याकडे ट्रकचालक म्हणून काम करतो. यादरम्यान क्षीरसागर यांच्या मुलीचे आणि विकास बनसोडे याचे प्रेमप्रकरण सुरू झाले. याची कुणकुण क्षीरसागर कुटुंबियांना झाली आणि त्यातूनच विकासला मारहाण करण्यात आली.
मृत विकास याच्या कुटुंबियांकडून काही गंभीर आरोप केली जात आहेत. विकासला दोन दिवस सतत मारहाण करण्यात आली. मारहाणीनंतरचे विकासचे काही फोटो पुढे आले, ज्यानंतर मोठी खळबळ निर्माण झाली. मुळात म्हणजे संतोष देशमुख हत्या प्रकरणानंतर बीडमधील मारहाणीचे अनेक धक्कादायक व्हिडीओ हे पुढे येताना दिसत आहेत. त्यामध्येच आमदार सुरेश धस यांचा कार्यकर्ता खोक्या याचेही मारहाणीचे व्हिडीओ पुढे आली, खोक्याला पोलिसांनी अटक केली केलीये.