कधी कधी असं होतं की आपल्या घरात पोळ्या भरपूर उरतात आणि नंतर शिळ्या पोळ्या खाण्याच्या कंटाळा येतो. तर त्यांना फेकण्याऐवजी त्यांच्यापासून काही स्वादिष्ट बनवता येईल. पोळी आणि ओट्सची एक अप्रतिम लाडू रेसिपी पाहूयात.
लेफ्टओव्हर पोळी आणि ओट्स लाडू
आता या लाडूची तयारी करूया. त्यासाठी खालील साहित्य आणि प्रक्रिया वापरा:
साहित्य:
– उरलेल्या पोळ्या 2-3
– ओट्स 1 कप
– तूप 2 चमचे
– साखर 1/4 कप (चवीनुसार)
– ड्रायफ्रूट्स (काजू, बदाम, पिस्ता) 1/4 कप, बारीक चिरलेले
– वेलची पूड 1/2 चमचा
– दूध 1/4 कप (आवश्यकतेनुसार)
– कोको पावडर (आवडीनूसार)
कृती:
उरलेल्या चपाती लहान तुकड्यांमध्ये तोडून घ्या. एका कढईत तूप गरम करा आणि त्यात चपातीचे तुकडे घालून चांगले भाजून घ्या, म्हणजे ते कुरकुरीत होईल.
दुसऱ्या कढईत ओट्स घाला आणि हलक्या आचेवर 2-3 मिनिटे भाजा. ओट्स भाजल्यामुळे त्याचा स्वाद वाढतो.
ओट्स आणि पोळी एकत्र करुन मिश्रण तयार करा त्यात साखर, वेलची पूड आणि चिरलेले ड्रायफ्रूट्स घाला.
साखर पूर्णपणे वितळल्यावर मिश्रणाला एकजीव होऊ द्या. जर मिश्रण जरा कोरडे वाटत असेल तर त्यात थोडं दूध घाला.
आता लाडू बनवण्यासाठीचे मित्रण तयार झाले आहे. हे मिश्रण थोडं गार झाल्यावर त्याला आपल्या हाताने लाडूच्या आकारात वळा.
आवडत असेल तर त्यात कोको पावडर मिश्रणात घाला. ज्यामुळे लाडवांना एक सुंदर रंग आणि चव मिळेल.
तयार केलेले ‘पोळी आणि ओट्स लाडू’ आता तयार आहेत. हे लाडू मुलांसाठी एक गोड नाश्ता बनू शकतो. पोळी आणि ओट्सचे चांगले संयोजन चवीला उत्तम लागते आणि लाहान मुलांच्या शारीरिक आणि मानसिक विकासासाठी फायदेशीर आहे.