मुंबईत महिला डॉक्टरला मारहाण, रक्ताने माखलेले कापसाचे बोळे फेकले आणि..; मद्यधुंद अवस्थेत रुग्णाचा राडा

रुग्ण मद्यपान करुनच रुग्णालयात आला होता

“रुग्ण हा त्याच्या सात ते आठ साथीदारांसह आला होता. त्याने मद्यपान केलं होतं. तो कुणालातरी मारहाण करुन आला होता. त्यामुळे त्याच्या चेहऱ्यावर जखमा होत्या. पहाटे साडेतीनच्या दरम्यान महिला डॉक्टर तपास होती. त्यासाठी आधीपासून जखमेची पट्टी काढावी लागणार होती. ही नॉर्मल प्रोसिजर आहे. नेमकं काय घडलं आहे हे पाहण्यासाठी जखमेची पट्टी काढावी लागते. यानंतर या रुग्णाने तिला शिव्या देण्यास सुरुवात केली. रुग्ण ओरडू लागल्याने इतर नातेवाईकांनी तिला शिव्या द्यायया सुरुवात केली. तिच्या दिशेने रक्ताने माखलेले बोळे फेकले. त्यावेळी महिला डॉक्टरांनी सुरक्षा रक्षकाला बोलवलं म्हणून तिला गंभीर स्वरुपातली मारहाण झाली नाही.” असं अक्षय मोरे यांनी सांगितलं आहे.

मागच्या आठवड्यात एका मार्डच्या डॉक्टरचा काही रुग्णांनी पहाटे दोन वाजता पाठलाग केला. आमचा हा सहकारी त्याचं काम संपवून हॉस्टेलवर येत होता जे रुग्णालयाच्या परिसरापासून थोडं लांब आहे. तिथे त्याचा काही लोक पाठलाग करत होते ही घटनाही या डॉक्टरने सांगितली आहे.