ठाणे जिल्ह्यात १११ पैकी ९१ अर्ज ठरले वैध; ठाणे, कल्याण, भिवंडीमध्ये इतके अर्ज वैध

 ठाणे लोकसभा मतदारसंघासाठी १०५ उमेदवारी अर्ज वितरीत करण्यात आले होते. यापैकी ३६ उमेदवारांनी ४३ अर्ज दाखल केले होते. अर्ज छाननी प्रक्रियेत ३६ पैकी २५ अर्ज वैध तर, ११ अर्ज अवैध ठरले. कल्याण लोकसभा मतदारसंघात सर्वाधिक १३७ उमेदवारी अर्ज वितरीत करण्यात आले होते. त्यापैकी ३४ उमदेवारांनी ४५ उमेदवारी अर्ज भरले होते. अर्ज छाननी प्रक्रियेत ३४ पैकी ३० अर्ज वैध तर, ४ अर्ज अवैध ठरले. भिवंडी लोकसभा मतदारसंघात ११३ उमेदवारी अर्ज वितरीत करण्यात आले होते. त्यापैकी ४१ उमेदवारांनी ४८ अर्ज भरले होते. अर्ज छाननी प्रक्रियेत ४१ पैकी ३६ अर्ज वैध ठरले तर, ५ अर्ज अवैध ठरले, अशी माहिती सुत्रांनी दिली. या तिन्ही मतदारसंघात कोणते उमेदवार माघार घेणार की, इतकेच उमेदवार रिंगणात असणार, हे चित्र सोमवारी स्पष्ट होईल.