शासकीय कार्यक्रमात ‘तंत्रमंत्र’साठी विशेष व्यवस्था, नागपुरातील महालक्ष्मी सरस प्रदर्शनात भटजी सांगताहेत लोकांचे भविष्य

 प्रदर्शनात महिला-पुरुष आपला हात दाखवून भविष्य माहिती करून घेत आहे. भटजी मंत्र आणि तंत्राद्वारे लोकांना त्यांचे भविष्य सांगत आहेत. धक्कादायक बाब म्हणजे, भविष्य सांगितल्यानंतर दक्षिणासुद्धा मागितली जात असल्याची माहिती तेथील काही लोकांनी दिली.
महिला बचत गटातील महिलांना रोजगार मिळावा, या उद्देशाने राज्य सरकारकडून राज्यस्तरावर, विभागस्तरावर आणि जिल्हास्तरावर या प्रदर्शनांचे आयोजन करण्यात येत आहे. मग या शासकीय प्रदर्शनात ज्योतिष्य आणि भटजी यांचे काय काम, असा प्रश्न आता उपस्थित होऊ लागलेला आहे.