आंबेगाव बुद्रुक येथील अनधिकृत बांधकामांवरील कारवाईचा धडाका महापालिकेने कायम ठेवला आहे. आंबेगाव येथील सर्वेक्षण क्रमांक ४३, २५ आणि १० येथील विनापरवाना बांधकामांवर मंगळवारी कारवाई करण्यात आली. त्यामध्ये ४७ हजार ६६४ चौरस फुटांचे क्षेत्र मोकळे करण्यात आले.
आंबेगाव बुद्रुक येथील (जुनी हद्द) विनापरवाना मिळकतधारकांना महाराष्ट्र महापालिका कलमानुसार नोटिसा बजावण्यात आल्या होत्या. त्यानंतर बांधकाम पाडण्याची कारवाई करण्यात आल्याची माहिती बांधकाम विभागाकडून देण्यात आली. अतिक्रमण विभागाकडील कर्मचारी, बिगारी सेवा, पोलीस कर्मचाऱ्यांच्या मदतीने ही कारवाई करण्यात आली.