बीड शहरातील जोशी उद्यान भागात रविवारी सायंकाळी महिलांची फ्री स्टाईल मारामारी पाहायला मिळाली. यावेळेस ही मारामारी पाहण्यासाठी नागरिकांनी देखील गर्दी केली होती. मात्र, हा वाद नेमका काय होता, हे पाहायला गेल्यानंतर या महिला सासू, सून आणि ननंद असल्याचं समोर आलं. मात्र, ही फ्री स्टाईल मारामारी सध्या सोशल मीडियावर चांगलीच व्हायरल होत आहे.
बीड शहरातील जोशी उद्यान परिसरात एका खाजगी दवाखान्यासमोर काही महिलांची फ्री स्टाईल हाणामारी पाहायला मिळाली आणि हा व्हिडिओ सध्या सोशल मीडियावर व्हायरल होतोय. मात्र ही हाणामारी का झाली नेमकं कारण काय होतं, हे जाणून घेतल्यानंतर पुढे आले की हा घरगुती वाद होता. एक महिला नवऱ्यापासून किरकोळ वादामुळे महिन्याभरापासून लांब राहत होती. मात्र, या वादाचं टेन्शन तिच्या नवऱ्याने जास्तच घेतलं. परिणामी त्या टेन्शनच्या नादात दुचाकी चालवत असताना त्याचा अपघात झाला.