महाविकास आघाडीच्या महिला नेत्यांच्या शिष्टमंडळाने राज्यपाल भगतसिंह कोश्यारी यांची बुधवारी भेट घेऊन कृषिमंत्री अब्दुल सत्तार यांच्या हकालपट्टीची मागणी केली आहे.
सत्तार यांनी राष्ट्रवादी काँग्रेसच्या खासदार सुप्रिया सुळे यांच्याबाबत केलेल्या वक्तव्यानंतर विरोधक आक्रमक झाले असून त्यांनी सत्तारांच्या राजीनाम्याची मागणी केली होती. आठ वेळा संसदरत्न पुरस्कार मिळवणाऱ्या सुप्रिया सुळे यांच्याबद्दल सत्तार यांनी केलेल्या चुकीच्या वक्तव्यामुळे महाराष्ट्रातील महिला संतापल्या आहेत. मुख्यमंत्री आणि उपमुख्यमंत्री केवळ समज देण्यात येईल, असे सांगत असून सत्तार त्या पलीकडे गेल्याची टीका शिवसेना प्रवक्त्या मनीषा कायंदे यांनी केली.