वंशाला दिवा हवा होता पण लेकीचा जन्म झाला; दोन दिवसांनंतर वडिलांनी स्वतःलाच संपवलं

रविवारी सकाळी ही घटना उजेडात आली आहे. लोकेश असं या व्यक्तीचं नाव असून तो ३४ वर्षांचा होता. रविवारी सकाळी लोकेशच्या आईनं त्याला गळफास घेतलेल्या स्थितीत पाहिलं. लोकेशचं जवळच्याच गावातील एका महिलेसोबत नऊ वर्षांपूर्वी लग्न झालं होतं. लोकेशला तिसऱ्यांदा मुलगी झाली तेव्हा तो नाखुश होता. त्याला मुलगा हवा होता जर मुलगा झाला नाही तर मी आत्महत्या करेन, असं लोकेशनं त्याच्या मित्रांकडे बोलून दाखवलं होतं. त्यावेळी त्याच्या मित्रांनी त्याला समजावलं देखील होतं.

तीन वर्षानंतर पुन्हा त्याची पत्नी गर्भवती राहिली. यावेळेस तरी मुलगा व्हावा अशी त्याची इच्छा होता. मात्र, चौथ्यांदादेखील मुलगी झाली. शुक्रवारी त्याच्या पत्नीने मुलीला जन्म दिला आणि रविवारी लोकेशने गळफास घेत जीवन संपवले. लोकेशने उचललेल्या या निर्णयामुळं सगळ्यांनाचा मोठा धक्का बसला आहे.

लोकेशचे गावात चांगले संबंध होते. कोणासोबत काही वादही नव्हते, त्याची आर्थिक परिस्थितीदेखील उत्तम होती. फक्त मुलाच्या हव्यासापोटी त्याने टोकाचे पाऊल उचलले, असं गावातील एका व्यक्तीने म्हटलं आहे.