चीनमध्ये पुन्हा एकदा करोना संसर्ग वाढू लागला आहे. त्यामुळे करोना साथीवर नियंत्रण आणण्यासाठी चीनमधील वुहानपासून पूर्व किनारपट्टीवरील चीनच्या औद्योगिक पट्ट्यापर्यंत नव्यानं लॉकडाउन जाहीर करण्यात आलं आहे.
चीनमध्ये गुरुवारी १३२१ नवीन करोना रुग्ण आढळली आहेत. हा आकडा मागील दोन आठवड्यांतील सर्वाधिक आहे.
खबरदारीचा उपाय म्हणून शाळा आणि हॉटेल्स बंद करण्यात आली आहेत.
त्याचबरोबर नागरिकांना मास्क परिधान करण्यात येत असून नागरिकांची तपासणी केली जात आहे.
चीनच्या अध्यक्षपदी निवड झाल्यानंतर शी जिनपिंग ‘झिरो कोविड’साठी कठोर निर्णय घेतील, अशी गुंतवणूकदारांना आशा होती. पण चीनमध्ये करोना रुग्णांत वाढ होताना दिसत आहे.
करोना लॉकडाऊन लादल्यानंतर, काही दिवसच निर्बंध असतील, असं अधिकाऱ्यांकडून सांगण्यात आलं. मात्र, त्यानंतर सातत्याने लॉकडाऊनमध्ये वाढ करण्यात आली आहे.
चीन अजूनही ‘झिरो कोविड’ धोरणापासून मागे हटण्याची चिन्हे दर्शविली नाहीत.
ऑक्टोबरच्या मध्यापर्यंत ९० टक्के चिनी नागरिकांचं करोना लसीकरण पूर्ण झालं होतं. तर ५७ टक्के लोकांनी बूस्टर डोसही घेतला होता.
चीनमध्ये देशांतर्गत विकसित लशींचा वापर केला जात आहे. या लशी फारशा प्रभावी नसल्याचं यापूर्वी जागतिक आरोग्य संघटनेनं सांगितलं आहे.