गेल्या काही महिन्यांपासून कडालेल्या खाद्यतेलांच्या किमती अखेर खाली आल्या आहेत. १५ दिवसांत किरकोळ बाजारात सोयाबीन, सूर्यफूल तेलाच्या दरात किलोमागे १५ ते २५ रुपयांपर्यंतची घट झाली आहे. पामतेलाचेही दर १० ते १५ रुपयांपर्यंत उतरले असून, आगामी काही दिवसांत किमतीत आणखी घसरण होण्याची चिन्हे असल्याने सामान्यांना दिलासा मिळणार आहे.
इंडोनेशियाने गेल्या महिन्यात पामतेलावरील निर्यातबंदी मागे घेतल्यानंतर या देशाकडून तेल आयातीचा पर्याय पुन्हा खुला झाला आहे. त्याचबरोबर रशिया-युक्रेन युद्धामुळे खाद्यतेलांच्या वाढलेल्या दरांना आळा घालण्यासाठी केंद्र सरकारनेही दोन वर्षांसाठी आयात शुल्क हटविल्याने खाद्यतेलांच्या किमती कमी झाल्या आहेत.
शेंगदाणा तेलाचे तापलेलेच
सूर्यफूल, सोयाबीन आणि पामतेलाचे दर कमी झालेले असतानाच शेंगदाणा तेलाचे दर मात्र अद्यापही चढेच आहेत. कच्च्या मालाचा पुरवठा, इंधन दरवाढीसह अन्य कारणांमुळे दरांमध्ये अद्यापही घट झालेली नसल्याचे व्यावसायिक महेंद्र पारेख यांनी सांगितले.
शेंगदाणा तेलाचे तापलेलेच
सूर्यफूल, सोयाबीन आणि पामतेलाचे दर कमी झालेले असतानाच शेंगदाणा तेलाचे दर मात्र अद्यापही चढेच आहेत. कच्च्या मालाचा पुरवठा, इंधन दरवाढीसह अन्य कारणांमुळे दरांमध्ये अद्यापही घट झालेली नसल्याचे व्यावसायिक महेंद्र पारेख यांनी सांगितले.
—
असे आहेत दर (प्रतिकिलो)
सूर्यफूल : १९५
सोयाबीन : १६०
पाम : १५०
शेंगदाणा : २००