वाळूज एमआयडीसी भागातील जोगेश्वरी येथून गुन्हे शाखा पोलिसांनी नशेच्या गोळ्यांची विक्री करणाऱ्याला बेड्या ठोकल्या. गौतम लक्ष्मण त्रिभुवन (वय ३०, रा. जोगेश्वरी, झोपडपट्टी, ता.गंगापूर) असे त्याचे नाव आहे. त्याच्या ताब्यातून पोलिसांनी १२०० गोळ्या जप्त केल्या. ‘एनडीपीएस’ पथकाने कारवाई करीत चौघांना जेरबंद केले. गुन्हे शाखेचे सहायक पोलिस निरीक्षक काशीनाथ महांडुळे यांनी माहितीवरून सापळा रचला. पोलिस आयुक्त निखिल गुप्ता, सहाय्यक पोलिस आयुक्त (गुन्हे) विशाल ढुमे यांच्या मार्गदर्शनाखाली पोलिस निरीक्षक अविनाश आघाव, सहायक निरीक्षक काशिनाथ महांडुळे, पोलिस उपनिरीक्षक अजित दगडखैर, अमोल म्हस्के, औषध निरीक्षक अंजली मिटकर, सहायक फौजदार सतीश जाधव, रमेश गायकवाड, संतोष सोनवणे, चंद्रकांत गवळी, भगवान शिलोटे, विशाल पाटील, विलास मुठे, रवींद्र खरात, नितीन देशमुख यांनी केली.
आमखास मैदानावर चौघे ताब्यात
एनडीपीएस स्पेशल ऑपरेशन सेलने गुरुवारी मध्यरात्री आमखास मैदानावर छापा मारून चौघांना बेड्या ठोकल्या. महेंद्र उर्फ पेंडी गौतम काळे (वय २२, रा. जयभीमनगर, टाउन हॉल), सोहेल खॉन खलील खान (वय २४, रा. आसेफिया कॉलनी), सद्दाम मुराद शेख ( वय २७, रा. जलाल कॉलनी, आसेफीया कॉलनी) आणि निखिल संजय चौतमल ( वय १९, रा. जयभिमनगर, टाऊन हॉल) अशी अटकेतील चौघांची नावे आहेत. चौघांच्या ताब्यातून कालबाह्य झालेल्या व नशेसाठी वापर होऊ शकणाऱ्या १३३ गोळ्या आढळून आल्या. सहाय्यक पोलिस निरीक्षक सय्यद मोसीन, सहायक फौजदार नंदकुमार भंडारे, सय्यद शकील, प्रकाश गायकवाड, आनंद वाहुळ, धर्मराज गायकवाड, प्राजक्ता वाघमारे, डी. एस. दुभळकर, औषधी निरीक्षक मरेवाड यांनी कारवाई केली.