अभिनेत्री आलिया भट्ट (Alia Bhatt) आणि अभिनेता अर्जुन कपूरच्या (Arjun Kapoor) ‘टू स्टेट्स’ (Two States) चित्रपटात आलियाच्या वडिलांची भूमिका साकारणारे अभिनेता आणि पटकथालेखक शिव कुमार सुब्रह्मण्यम (Shivkumar Subramaniam) यांचं निधन झालं. काल १० एप्रिल रोजी सकाळी त्यांनी अखेरचा श्वास घेतला. शिव कुमार सुब्रमण्यम हे अनेक दिवसांपासून आजारी होते आणि त्यांना स्वादुपिंडाचा कर्करोग झाल्याचे म्हटले जाते. त्यांच्या निधनाने संपूर्ण चित्रपटसृष्टीतून शोक व्यक्त करण्यात येत आहे.
चित्रपट दिग्दर्शक हंसल मेहता यांनी सोशल मीडियावर पोस्ट शेअर करत शिव कुमार सुब्रमण्यम यांच्या निधनाची बातमी दिली आहे. “अत्यंत दु: खद अंतकरणाने मी तुम्हाला सांगू इच्छितो की अत्यंत प्रतिभावान कलाकार शिव सुब्रह्मण्यम यांचं निधन झालं”, अशा पोस्ट त्यांनी शेअर केली आहे.