केळवे येथील समुद्रात बुडून चौघांचा मृत्यू झाला आहे. ही दुर्दैवी घटना आज घडली. दोघांचे मृतदेह हाती लागले आहेत. तर अन्य दोघांचा शोध सुरू आहे. स्थानिकांसह मच्छिमार त्यांचा शोध घेत आहेत. मृतांमध्ये दोन लहान मुले आणि दोन तरूणांचा समावेश आहे.
पालघर जिल्ह्यातील प्रसिद्ध पर्यटनस्थळ असलेल्या केळवे समुद्रात येथील दोन लहान मुले पोहण्यासाठी उतरली होती. मात्र, समुद्राला ओहोटी आली होती. पाण्याचा अंदाज न आल्याने मुलं बुडू लागली. ही मुलं बचावासाठी धावा करत होते. ही बाब समुद्रकिनारी पर्यटनासाठी आलेल्या काही जणांच्या लक्षात आली. त्यापैकी चौघांनी त्यांना वाचवण्यासाठी समुद्रात उडी मारली. त्यावेळी या दोन स्थानिक मुलांसह त्यांना वाचवण्यासाठी समुद्रात उडी मारलेल्या चौघांपैकी दोघेही बुडाले. चौघांपैकी दोघांचे मृतदेह हाती लागले आहेत. तर अन्य दोघांचे मृतदेह अद्याप सापडले नाहीत. त्यांचा शोध सुरू आहे. स्थानिकांसह मच्छिमार बांधव त्यांचा शोध घेत आहेत. या घटनेची माहिती मिळताच, तिथे पोलीस पोहोचले आहेत. शोधकार्य युद्ध पातळीवर सुरू असल्याचे सांगण्यात येत आहे.
त्यांना पाहून चौघांनी समुद्रात मारली उडी
केळवे समुद्रकिनारी पर्यटनासाठी येणाऱ्यांची संख्या मोठी आहे. आज, केळवे समुद्रकिनारी पर्यटक मोठ्या संख्येने आले होते. केळवे येथील दोन लहान मुले समुद्रात पोहोचण्यासाठी उतरले होते. समुद्राला ओहोटी लागली होती. पाण्याचा अंदाज न आल्याने ते दोघेही बुडू लागले. ती दोन मुले मदतीसाठी धावा करत होते. मुले बुडत असल्याची बाब समुद्रकिनारी पर्यटनासाठी आलेल्या काही पर्यटकांच्या लक्षात आली. त्यातील चौघांनी क्षणाचाही विचार न करता मुलांना वाचवण्यासाठी समुद्रात उडी घेतली. मात्र, त्यांना वाचवताना त्यातील दोघे जण बुडाले.