शहरात लॉकडाउन पाळण्यासंदर्भात वारंवार सूचना करुनही काही किराणा व्यावसायिक नियम मोडून व्यवसाय करताना आढळल्याने नगरपंचायतीचे मुख्याधिकारी डॉ. श्रीया देवचक्के यांच्या नेतृत्त्वाखालील पथकाने गुरुवारी आठ दुकाने सील केली.
लॉकडाउन काळात ग्राहकांची ऑर्डर घेऊन होम डिलिव्हरी द्यावी, अशा सूचना किरणा व्यावसायिकांना करण्यात आल्या आहेत. मात्र काही किराणा व्यावसायिक दुकानाचे शटर उघडून ग्राहकांना थेट किराणा विकताना आढळले. त्यामुळे गुरुवारी शहरातील आठ किराणा दुकाने सिल करण्यात आली असून, ६० हजार रुपयांचा दंड आकारण्यात आला आहे.
दरम्यान शहरात गेल्या दीड महिन्यात विना मास्क फिरणाऱ्यांवर कारवाई करीत १८ हजार रुपयांचा दंड वसूल करण्यात आल्याची माहिती डॉ. देवचक्के यांनी दिली. गुरुवारी या पथकामध्ये डॉ. देवचक्के यांच्यासह हर्षवर्धन मोहिते, भालचंद्र क्षीरसागर, दिनेश सोनवणे, अनिल कुंदे व कर्मचारी सहभागी झाले होते.