बिहार राज्यात स्वस्तात गाड्या विकणाऱ्या एका टोळीला बिहार पोलिसांनी अटक केली आहे. चोरी केलेल्या गाड्या स्वस्तात विकणाऱ्या टोळीची माहिती पोलिसांना मिळाली होती. नवीन गाड्या चोरी करून स्कॉर्पिओ १.२० लाखात तर मारूती केवळ ६० हजार रुपयात विकणाऱ्या टोळीच्या मुसक्या बांधण्यात पोलिसांना अखेर यश आले आहे.
ही टोळी बिहारमधील नवीन गाड्या चोरून त्या पूर्वीकडील राज्यात पाठवत होते. त्या ठिकाणी पाठवल्यानंतर त्या विकून टाकायचे. स्कॉर्पिओ गाडी केवळ १ लाख २० हजार रुपयांत तर मारूती फक्त ६० हजार रुपयात विकली जायची. विशेष म्हणजे ही टोळी माल वाहतूक असलेल्या गाड्यांना जास्त लक्ष्य करीत असत. याप्रकरणी पोलिसांनी ९ जणांच्या टोळींना अटक केली आहे. पोलिसांनी या आरोपींकडून एक स्कॉर्पिओ, चार देसी कट्टे, ८ काडतूस, एक टिगोर, ५ मोबाइल, ३७ प्रिंटर, ४ टोनर आणि चार कलर शाहीचे बॉक्स जप्त करण्यात आले आहेत. धर्मेंद्र कुमार उर्फ डोमा फतुहा, पवन राज उर्फ रूदल, मंटू, चंदन, मोनू धनरूआ, श्लोक कुमार बख्तियारपूर, कुंदन कुमार, राहुल खुसरूपूर आणि राकेश कुमार अशी अटक करण्यात आलेल्या आरोपींची नावे आहेत.
गेल्या तीन महिन्यापासून या टोळीने रोहतास, नवगछिया, शाहजहांपूर, खगडिया, दिदारगंज, गौरीचक, शाहपूर, मोकामा, बिहटामधून १३ वाहने चोरीली होती. मध्य रात्री हायवेवर जाऊन गाडी चालकाला शस्त्राचा धाक दाखवून त्यांची गाडी पळवत असत.