कात्रज निंबाळकरवाडी येथील एका फार्म हाउसमधून ‘लेसा अॅप्सो’ जातीचा श्वान चोरून नेणाऱ्या दोन जणांना भारती विद्यापीठ पोलिसांनी अटक केली.
या श्वानाची किंमत सुमारे दोन लाख ८० हजार असून, सचिन अॅन्थोनी (वय ३६, रा. निंबाळकरवाडी, कात्रज) यांनी याबाबत तक्रार दिली आहे. यावरून कात्रज पोलिसांनी निरंजन आनंद कुलकर्णी (३४, रा. रक्षालेखा सोसायटी, धनकवडी), अमोल मारुती चव्हाण (३५, रा. त्रिमल हॉस्पिटलजवळ, अपर इंदिरानगर) यांना अटक केली आहे.
तक्रारदार अॅन्थोनी हे कुत्र्यांना प्रशिक्षण देतात. निंबाळकरवाडी येथील एका फार्म हाउस समोरील मोकळ्या जागेत वेगवेगळ्या प्रकारची पाळीव कुत्री होती. या कुत्र्यांना अॅन्थोनी प्रशिक्षण देत होते. त्या वेळी दोन्ही आरोपींनी मोकळ्या जागेत उभे असलेले ‘लेसा अॅप्सो’ जातीचे कुत्रे चोरून नेले. या प्रकरणी पुढील तपास पोलिस हवालदार के. आर. बढे करीत आहेत.