धावत्या एसटी बसचे स्टेअरिंग रॉड तुटल्याने झालेल्या अपघातात २३ विद्यार्थी जखमी झाले आहेत. बुलडाण्यातील कोथळी जवळ ही घटना घडली. या बसमधून एकूण ४० विद्यार्थी प्रवास करत होते. जखमी विद्यार्थ्याना जवळच्या रुग्णालयात उपचारासाठी दाखल करण्यात आले आहे.
अपघातग्रस्त एसटी बस सिचखेडनाथवरून मोताळ्याला निघाली होती. या बसमध्ये ४० ते ४५ प्रवासी प्रवास करत होते. ही एसटी बस मोताळ्याजवळ आली असता या बसच्या स्टेअरिंगचा रॉड तुटला. त्यानंतर चालकाचे एसटी बसवरील नियंत्रण सुटल्याने बस रस्त्याच्या कडेला अललेल्या खड्ड्यात आदळळी. यात २३ विद्यार्थी जखमी झाले.