नांदेडचे भूमिपुत्र तथा न्यायमूर्ती भालचंद्र उग्रसेन देबडवार यांची मुंबई उच्च न्यायालयाचे न्यायाधीश पदी नियुक्ती करण्यात आली आहे. ५ डिसेंबर रोजी मुंबई उच्च न्यायालयात ते न्यायाधीश पदाची शपथ घेणार आहेत.
नांदेडचे भूमिपुत्र असलेले न्या. भालचंद्र देबडवार यांनी नांदेडच्या न्यायालयात तब्बल आठ वर्ष वकिली केली होती. १९९२ मध्ये त्यांची न्यायदंडाधिकारी प्रथम वर्ग न्यायाधीश म्हणून निवड झाली होती. त्यानंतर प्रमुख जिल्हा न्यायाधीश म्हणून त्यांनी रत्नागिरी, सांगली, सोलापूर येथे काम केले तर त्यानंतर महाराष्ट्र राज्याचे सहकारी न्यायालयाचे प्रमुख म्हणूनही त्यांनी कर्तव्य पार पाडले होते. नांदेडचे भूमीपुत्र असलेले न्या. भालचंद्र देबडवार यांची नुकतीच मुंबई उच्च न्यायालयाचे न्यायामूर्ती पदी नियुक्ती करण्यात आली आहे. उच्च न्यायालयात एकूण सहा न्यायाधीशांची नियुक्ती करण्यात आली असून त्यात भालचंद्र देबडवार यांचा समावेश आहे. बुधवारी ५ डिसेंबर रोजी मुंबई उच्च न्यायालयात मुख्य न्यायाधीश यांच्या उपस्थितीमध्ये न्यायमूर्ती देबडवार आपल्या पदाचा पदभार स्वीकारतील आणि शपथ घेतील अशी माहिती देण्यात आली.