सिंहगड रस्त्यावरील माणिकबाग येथील एका फ्लॅटमध्ये तरुणी मृतावस्थेत आढळुन आल्याचा प्रकार सोमवारी सायंकाळी समोर आला. याप्रकरणी सिंहगड रोड पोलिस ठाण्यात नोंद करण्यात आली असून, तरुणीचा मृतदेह शवविच्छेदनासाठी ससून रुग्णालयात पाठविण्यात आला आहे. तेजसा श्यामराव पायाळ (वय.२६ रा. फ्लॅट न.१५) असे मृत्यू झालेल्या तरुणीचे नाव आहे.
पोलिसांनी दिलेल्या माहितीनुसार, तरूणी ही बीड येथील मुळची राहणार आहे. तिचे शिक्षण एम बी ए झाले असुन नोकरीच्या शोधासाठी येथे भाड्याने फ्लॅट घेऊन आई व दोन बहिणी समवेत येथे वास्तव्यास होती. काही दिवसांपूर्वी हे सर्वजन बीड येथे गेले होते. मात्र तीन दिवसांपूर्वी ही तरुणी एकटीच परत पुण्याला आली होती. तिचा मृत्यू कशाने झाला हे स्पष्ट झाला हे समजू शकलेले नाही. याप्रकरणी सिंहगड रोड पोलिस अधिक तपास करत आहेत.