महापौर आणि उपमहापौर पदासाठी बिनविरोध म्हणून नरेश म्हस्के आणि पल्लवी कदम यांची सेनेकडून निवड झालीय. राज्यात बदलेलं सत्तासमीकरण पाहता ठाण्यात महाआघाडीचा महापौर होईल अशी शक्यता वर्तविली जात होती… शिवसेना नेते एकनाथ शिंदे यांची विनंती मान्य करत ठाणे मनपामध्ये शिवसेनेविरुद्ध कोणत्याच पक्षाने महापौर व उपमहापौर पदाकरता अर्ज भरलेला नव्हता. त्यामुळेच ठाण्यात खऱ्या अर्थाने महाशिवआघाडीचे दर्शन घडले. आज ठाण्यात महापौर आणि उपमहापौर पदाची माळ शिवसेनेच्या गळ्यात पडली आहे. ठाणे महानगर पालिकेच्या आवारात मोठ्या प्रमाणात सजावट करत पोस्टरबाजी देखील करण्यात आली आहे.