शहरात बुधवारी रात्री झालेल्या अतिवृवानांनी शुक्रवारी सकाळी राबविलेल्या शोधमोहिमेनंतर त्यांना दुपारी मृतदेह आढळले. खेडशिवापूर येथे पतीसह वाहून गेलेल्या आरती श्याम सूर्यवंशी (वय ३५, रा. खेडशिवापूर) आणि सुवर्णा रामचंद्र जाधव (वय ६५) यांचाही मृतदेह आढळला. खडकवासला येथे आढळून आलेल्या मृतदेहाची ओळख अद्याप पटू शकलेली नाही. मृतांचा आकडा वाढत असून, बेपत्ता झालेल्यांबाबत प्रशासनाकडे वेगवेगळी माहिती उपलब्ध आहे. खेडशिवापूर येथील करमअली दुर्वेश दर्ग्याच्या मागील ओढ्यातून सूर्यवंशी कुटुंबातील तिघेजण वाहून गेले होते. त्यापैकी गौरी सूर्यवंशी (वय १४) यांचा मृतदेह गुरुवारी आढळून आला. आरती यांचा मृतदेह शुक्रवारी आढळून आला असून, त्यांचे पती श्याम अद्याप बेपत्ता आहेत. या कुटुंबाचा शोध घेत असताना सुवर्ण जाधव यांचा मृतदेह आढळून आला.
मानाजीनगर येथून मुकेश गाडीलोहार, मच्छिंद्र बवले आणि मुकेश यांचा भाऊ साईपुरम सोसायटीतील पार्किंगमध्ये साठलेले पाणी कमी करण्याचा प्रयत्न बुधवारी रात्री करीत होते. त्या वेळी पार्किंगची भिंत कोसळून हे तिघे वाहून गेले. पैकी मुकेश यांचा भाऊ पाण्यातून बचावला. बवले यांचा मृतदेह गुरुवारी आणि मुकेश यांचा मृतदेह शुक्रवारी सापडला
मित्राकडून परतताना सूरज ऊर्फ बाबू संदीप वाडकर आणि त्याचे दोन मित्र निखिल दिनेश चव्हाण (वय २१) आणि साईनाथ उर्फ गणेश तुकाराम शिंदे (वय २२ दोघे रा. संतोषनगर, कात्रज) हे तिघे जांभूळवाडी तलावाजवळील केळेवाडी येथील पुलावरून कारसह वाहून गेले. पैकी सूरजचा मृतदेह जांभूळवाडी तलावात आढळून आला असून, त्याचे दोन मित्र अद्याप बेपत्ता आहेत. त्याचबरोबर वानवडी येथील गंगा सॅटेलाइट सोसायटीजवळ असलेल्या ओढ्यानजीकच्या पाण्यात व्हिक्टर ऑगस्टीन सांगळे (वय २८ रा. विमाननगर) आणि सलीम शेख (वय ४५ रा. कँम्प, पुणे) हे दोघे कारसह वाहून गेले. त्यांचा अद्याप शोध लागलेला नाही. सांगळे सीएचा विद्यार्थी असून, शेख हिंजवडी आयटीपार्कमध्ये बहुराष्ट्रीय कंपनीत मॅनेजर पदावर कार्यरत आहेत.
अद्याप बेपत्ता असणारे नागरिक
जांभूळवाडी
निखिल दिनेश चव्हाण
साईनाथ उर्फ गणेश तुकाराम शिंदे
वानवडी
व्हिक्टर ऑगस्टीन सांगळे
सलीम शेख
सासवड
छकुली अनंता खोमणे (वय २२)
एक दाम्पत्य बेपत्ता असून,दोघांची नावे समजू शकलेली नाहीत.
खेड शिवापूर
श्याम सूर्यवंशीष्टीनंतर नऱ्हे येथील सोसायटीच्या पार्किंगमध्ये साठलेले पाणी कमी करण्याच्या प्रयत्नात वाहून गेलेल्या मुकेश गाडीलोहार या युवकाचा आणि जांभूळवाडी येथे कारमधून वाहून गेलेल्या तिघांपैकी सूरज उर्फ बाबू वाडकर यांचे मृतदेह अखेर अग्निशमन दलाच्या हाती लागले. यासह खेड शिवापूर येथील दर्ग्याच्या दर्शनासाठी गेलेल्या दोन महिलांचा आणि खडकवासला येथे अज्ञात युवकाचा असे एकूण पाच मृतदेह शुक्रवारी आढळून आले आहेत. त्यामुळे शहर आणि जिल्ह्यातील मृतांची संख्या (गुरुवारचे १८ आणि शुक्रवारचे ५) २३वर पोहोचली असून, अद्याप आठ जण बेपत्ता आहेत