मेहकर शहरातील इमामवाडा परिसरात मुसळधार पावसामुळे इमारतीची भिंत कोसळून झालेल्या दुर्घटनेत एकाच तिघे ठार झाले असून तिघे जखमी झाले आहेत. मृतांमध्ये एक ६ वर्षीय मुलगा आणि एका गरोदर स्त्रीचा समावेश आहे. या दुर्घटनेत जखमी झालेल्यांवर मेहकर येथील रुग्णालयात उपचार सुरू आहेत. ही घटना पहाटे घडली.
इमामवाडा चौकात असलेल्या शेख जाफर शेख बाबा यांची जुनी इमारत असून रात्रभर कोसळणाऱ्या पावसामुळे ही भिंत शेजारी असलेल्या एका घरावर कोसळली. या घरातील शेख आसिफ शेख अश्रफ कुरेशी, शाइस्ताबी शेख आसिफ कुरेशी आणि फैजान या तिघांचा मृत्यू झाला. तर शेख तय्यब शेफ अश्रफ कुरेशी, ताहेर शेख दशरथ कुरेशी आणि शेख जुनेद शेख आसिफ हे तिघे मातीच्या ढिगाऱ्याखाली अडकली होती. त्यांना परिसरातील नागरिकांनी बाहेर काढले. हे तिघे जखमी आहेत.