गणेशोत्सवासाठी कोल्हापूरमार्गे कोकणात जाणाऱ्या वाहनांना टोल माफ करण्याचा निर्णय राज्य सरकारने घेतला आहे. त्यासाठी परिवहन विभागांकडून पास घेणे आवश्यक असल्याचे सिधुदुर्ग जिल्ह्याचे पालकमंत्री व गृहराज्यमंत्री दीपक केसरकर यांनी सोमवारी सांगितले.
कोल्हापूरमार्गे कोकणात जाणाऱ्या वाहनांना ३० ऑगस्ट ते १२ सफ्टेंबरपर्यंत दोन्ही बाजूंचा टोल माफ करण्यात येणार आहे. गणेशोत्सवापूर्वी कोकणातील रस्तेदुरुस्तीची कामे पूर्ण होतील, असे यांनी सांगितले. गणेशभक्तांना सुखरूप गावी जाता यावे, यासाठी परिवहन विभागांकडून मोठ्या संख्येने एसटी बस सोडण्यात येणार आहेत. त्यासाठी मुंबई-गोवा महामार्गाची पाहणी करण्यात आली आहे. महामार्गावर असलेले खड्डे भरण्याचे काम पूर्ण करण्यात येत आहे. गणेशोत्सवापूर्वी हे खड्डे भरून कोकणात जाणाऱ्यांचा प्रवास सुखकर करण्याचा प्रयत्न आहे, असेही त्यांनी नमूद केले.