पीडित मुलगी धानोरी परिसरात आई वडील आणि भावासोबत राहत असून ती आठवीत आहे. बुधवारी तिचे आईवडील कामाला गेल्यावर दुपारी मुलगी शाळेत जाण्यासाठी निघाली असताना आरोपी तिला ती बोलत का नाही, असे विचारले. त्यानंतर तिला स्वत:च्या घरी नेण्याचा प्रयत्न केला. मुलीने नकार दिल्याने भावाला मारून टाकण्याची धमकी दिली आणि तिला घरात ओढत नेले. त्यानंतर आरोपीने मुलीवर बलात्कार केला. दरम्यान मुलीच्या मामाचा मृत्यू झाल्याची माहिती मिळाल्याने मुलीची आई मुलीला शाळेतून घरी नेण्यासाठी गेली. त्या वेळी पीडितेच्या आईला ती शाळेत गेली नसल्याचे समजले. त्यामुळे आई मुलीचा शोध घेऊ लागली. या वेळी मुलगी आरोपीच्या घरात विवस्त्र अवस्थेत रडताना दिसून आली. मुलीला घरी आणून आईने विश्वासात घेऊन विचारणा केल्यावर धनजंयने बलात्कार केल्याचे सांगितले. फौजदार शुभांगी कामेगावकर तपास करीत आहे.
चार महिन्यांत आठ बलात्कार
विश्रांतवाडी पोलिस ठाण्याच्या हद्दीत गेल्या चार महिन्यांत आठ अल्पवयीन मुलींवर बलात्कार झाल्याचे गुन्हे दाखल झाले आहेत. यातील पाच गुन्ह्यांतील आरोपींना अटक करण्यात आली असून, तीन गुन्ह्यांतील आरोपी अद्याप फरारी आहेत. अल्पवयीन मुलींवर बलात्कार आणि विनयभंगाचे प्रकार वाढत असल्याने पोलिस विभाग हैराण झाला आहे. त्यामुळे शहरात मुली आणि महिलांच्या सुरक्षेचा मुद्दा पुन्हा एकदा ऐरणीवर आला आहे.