घरात गीता पठण केलं म्हणून एका ५५ वर्षीय मुस्लीम व्यक्तीला मारहाण केल्याची घटना उत्तर प्रदेशातील अलीगड येथे घडली आहे. याप्रकरणी पोलिसांनी समीर, झाकीर आणि दोन अज्ञात युवकांविरोधात गुन्हा दाखल केला असून पुढील तपास सुरू आहे.
पोलिसांनी दिलेल्या माहितीनुसार, पीडित इसमाचे नाव दिलशेर आहे. दिलशेर एका कारखान्यात सेक्युरिटी गार्ड म्हणून काम करतो आहे. तो गेल्या ३८ वर्षांपासून गीता पठण करतो आहे. गुरुवारी सकाळी कामावरून घरी परतल्यावर तो गीतेचं पठण करत होता. तेव्हा समीर , झाकीरसह चार युवक आले आणि त्यांनी दिलशेरला जब्बर मारहाण केली. यानंतर त्याने लगेच नजीकच्या तक्रार दाखल केली. ‘मी मुस्लीम असलो तरी इतर धर्मांचे धर्मग्रंथ वाचण्यापासून मला माझा धर्म रोखत नाही’ असं मत दिलशेरने व्यक्त केलं आहे. याप्रकरणी तपास सुरू असून आरोपींवर कडक कारवाई करण्यात येईल, अशी माहिती पोलीस अधीक्षक अभिषेक यांनी दिली आहे.