नाशिकमध्ये गंगापूर रोडवर सुरू असलेल्या बांधकाम प्रकल्पातील पाण्याची टाकी कोसळून झालेल्या दुर्घटनेत तीन मजूर जागीच ठार झाले. या दुर्घटनेत दोन मजूर गंभीर जखमी झाले असून त्यांच्यावर खासगी रुग्णालयात उपचार सुरू आहेत.
गंगापूर रोडवरील सोमेश्वर कॉलनी येथे गंगापूर रोडवरील सोमेश्वर कॉलनी येथे अपना घर या प्रकल्पाचं काम सुरू आहे. या प्रकल्पात काम करणारे अनेक मजूर प्रकल्पाच्या ठिकाणीच राहत होते. आज सकाळी दहा मजूर प्रकल्पाच्या ठिकाणी असलेल्या पाण्याच्या टाकीजवळ आंघोळ करत होते. काही कामगार ब्रश करत होते, तर काही कपडे धूत होते. यावेळी अचानक पाण्याची टाकी कोसळल्याने त्यात पाच कामगार दबले गेले. या दुर्घटनेत एकूण तीन कामगार जागीच ठार झाले, तर दोघे गंभीर जखमी झाले. मोहम्मद बारीक आणि बेबी खातून असं या कामगारांचं नाव आहे. जखमी कामगारांना खासगी रुग्णालयात उपचारासाठी दाखल करण्यात आले आहे. याप्रकरणी पोलिसांनी गुन्हा दाखल केला असून अधिक तपास सुरू आहे.