अभिनेता सलमान खानचे जगभरात फॅन्स आहेत. आपल्या लाडक्या ‘भाईजान’साठी हे फॅन्स काय करतील याचा नेम नाही. असाच काहीसा किस्सा ‘दबंग खान’च्या एका फॅननं केलाय. या पठ्ठ्यानं सलमानच्या आगामी भारत चित्रपटासाठी संपूर्ण थिएटरच बूक केलंय.
सलमान आणि कटरिना यांची मुख्य भूमिका असलेला भारत येत्या ५ जूनला प्रदर्शित होणार आहे. सलमानच्या चित्रपटाचा फर्स्ट डे फर्स्ट शो पाहायला मिळावा यासाठी नाशिकच्या आशिष सिंघल या फॅननं हा पराक्रम केलाय. आपल्या लाडक्या अभिनेत्याचा चित्रपट मोठ्या पडद्यावर शांतपणे पाहता यावा यासाठी त्यानं संपूर्ण थिएटरच बूक केलंय. ‘भारत’ पहिल्या दिवशी पाहता यावा यासाठी थिएटर्सच्याबाहेर तिकीट बूक करायला सलमान फॅन्सच्या रांगाच्या रांगा लागल्या आहेत. केवळ नाशिकमध्येच नाही तर मुंबईतही सलमानच्या एका फॅननं भारतच्या फर्स्ट डे फर्स्ट शोची तब्बल १५० तिकिटं एकट्यानं विकत घेतली आहेत.