विश्व हिंदू परिषदेचे सचिव (विशेष संपर्क विभाग) व्यकंटेश नारायण आबदेव यांचे सोमवारी रात्री साडेदहा वाजता पुण्यातील राव हॉस्पिटलमध्ये दीर्घ आजाराने निधन झाले आहे. ते ६६ वर्षांचे होते. त्यांच्या मागे पत्नी, मुलगा, मुलगी दोघे ही विवाहित असा परिवार आहे. त्यांचा अंत्यविधी उद्या, मंगळवारी २८ मे रोजी सायंकाळी ५ वाजता पुण्यातील नवी पेठ वैकुंठ स्मशानभूमी येथे होणार आहे.
आबदेव मूळचे मुरुड जंजिरा येथील होते. सध्या ते पुण्यात कात्रज येथील गुजरवाडी येथे मुलाकडे राहत होते. दहा दिवसापूर्वी ते आजारी पडल्याने त्यांना राव रुग्णालयात दाखल केले होते. आबदेव यांनी मुरुड परिसरातील कॉलेजवर प्राध्यापक म्हणून काम करीत होते. परिषदेचे काम ते गेली ३० वर्षांपासून काम करीत होते. प्राध्यापक म्हणून निवृत्त झाल्यानंतर त्यांनी विश्व हिंदू परिषदेचे पूर्ण वेळ काम करीत होते. त्यामुळे ते दिल्लीत असत. दोन वर्षांपूर्वी जयपूर राजस्थान येथे त्यांना पॅरॅलिसने आजारी पडले होते. जयपूर येथून त्यांना दिल्लीतील एम्स मध्ये त्यांना दाखल केले होते. तेथून बरे झाल्यावर त्यांना पुण्यात घरी आणले होते.